Main menu

Pages

YANDA AKE HADIN KUNUN ALKAMA DA AYA, DON KARIN NI'IMA

 


Yanda Ake Hada Kunun Alkama da Aya da na Karin ni'ima da Kuma na Karin kiba da kyaun jiki.


Abubuwa da ake bukata wajen hadawa;

– Alkama

– Aya


Yadda Ake hadawa:

Ki gyara Alkama wato ki wanke ki rege ki surfa saiki shanya, ita ma aya ki surfa ki gyara ki shanya idan suka bushe sai ki hada guri daya ki kai a niko mi ki, ki tankade.



 Sai ki debi garin ki dama da ruwan sanyi, sannan ki kwara tafashshen ruwa kamar dai yadda zaki dama kunun tsamiya, idan kika dama zaiyi kauri. Zaki iya sa lemon tsami idan kinaso saiki zuba sugar da madara in kinaso.


Zaki iya yima oga wannan kunu yayin buda baki ko karin kumallo. Wannan kunu yana kara ni ima sosai.



Yadda ake kunun alkama Kashi na biyu

Abubuwan hadawa

- Alkama

- Gyada Markadadde

- Kayan kamshi

- Suga

- Nono



Yadda ake hadawa

Da farko za ki kawo garin alkama da wanda ba’a nika ba sai ki wanke alkamarki ki sa a tukunya ki dora a wuta.


Sai ki dauko gyadarki ki dama ki tace ki ajiye a gefe, sai ki duba idan ya yi sai ki sauke ki juye. Sannan ki dora ruwan gyada a wuta.


Idan ya tafasa sai ki dauko dafeffen alkamarki ki zuba ki barshi ya kara nuna, sai ki dama garin alkamarki kadan ki sa kayan kamshi.


Idan ya yi sai ki sauke ki zuba damammen garinki ki juya sosai, idan ya yi sai ki zuba suga da nono ki juya sosai ki sawa mai gida da yara.

Comments