YANDA AKE HADA HADADDEN TSIREN TUKUNYA A GIDA.

Yanda Zaki hada hadadden Tsiren Tukunyar a gida yayi dadi.

Yanda Ake Hada Tsiren tukunya, ga abubuwan da Zaki tanada.

Abubuwan hadawa

- Jan nama kilo

- Albasa 

- Maggi 

- Yajin barkono

- Kuli kuli (gari)

- Kayan kamshi

- Man gyada

- Koren tattasai 

Yanda ake hadawa

Da farko zaki wanke namanki ki masa yanka mai fadi-fadi ki ajiye a gefe.

Sai ki hada yajin da man gyada da garin kulikulinki ki sa maggi da kayan kamshi sai ki kwaba.

Sai ki dinga shafawa a jikin naman gaba da baya.

Idan kin gama sai ki kawo tukunya ko kasko (frying pan) mara kamu sai ki jera ki dora a wuta ki rufe ki barshi. Kar ki sa wutar tayi yawa.

Sai ki ringa juyawa, idan yayi sai ki sauke ki yanka dai dai misali kisa a pilet ki yanka albasa da koren tattasanki.

Sai a sawa maigida da yara aci Lafiya.